Папірус

Малады егіпецкі рыбак і звычайны хлопец Папірус загадкавым чынам абраны багамі абараняць краіну ад злых сіл Сэта — бога вайны і знішчэння. З дапамогай чароўнага мяча і сяброў ён мусіць знайсці змрочную піраміду Омбас і вызваліць заступніка Егіпта — бога святла Гора! Неверагодныя прыгоды, выдатная маляваная графіка, узрушальны саўндтрэк і таямнічая атмасфера старадаўняга Егіпта! Агучана студыяй Gavarun.by.

Хамф

Яскравы і пазнавальны мультсерыял расказвае пра мілага пухнаціка, якога завуць Хамф. Ён вельмі дапытлівы, пастаянна імкнецца даведацца нешта новае і даследаваць свет вакол сябе. Хамфа чакае шмат неверагодных дзіцячых прыгод і адкрыццяў у самых звычайных месцах: ва ўласнай кватэры, у сяброўскім пакоі, у парку, у краме, на дзіцячай пляцоўцы і ў кафэ! Агучана студыяй Gavarun.by.

Мікі Маўс

Мультсерыял «Мікі Маўс» з сезонаў 2013—2016 гадоў. У гэтых серыях адбылося доўгачаканае вяртанне легендарнага мышаняці, якое нарадзілася ў далёкім 1928 годзе. Адметнасць выбраных сезонаў у тым, што яны выкананы ў класічным дыснееўскім стылі пры выкарыстанні сучасных тэхналогій. У выніку атрымаўся вельмі яскравы і эмацыянальны мультфільм з добрым гумарам, павучальны і забаўляльны. Бесклапотнае мышаня Мікі падарожнічае па свеце і трапляе ў розныя камічныя сітуацыі. Яго паўсюль суправаджаюць сябры: ці не заўжды незадаволены Дональд, гарэза Плута, дзіўнаваты Гуфі і весялушка Міні. Уся кампанія запрашае далучыцца да іх прыгод. Сумаваць не давядзецца! Агучана студыяй Gavarun.by.

Любімчыкі

Развівальна-забаўляльная стужка, створаная сусветнавядомым брэндам дзіцячых цацак Tiny Love як бонус да іх прадукцыі. Прызначаны для самых маленькіх дзетак (ад трох месяцаў да трох гадоў), ён знаёміць з навакольнымі прадметамі, формамі і колерамі, насычаны песнямі і інтэрактыўнымі элементамі. Агучана студыяй Gavarun.by.

Аблавушак

Экранізацыя дзіцячых кніг Чэслава Янчарскага пра прыгоды мядзьведзіка Аблавушка, які разам са сваймі сябрамі Парсючком, Трусікамі, Зайцам і сабачкам Кручком трапляе ў разнастайныя сытуацыі. Гэтыя гісторыі ня толькі забаўляюць малых гледачоў, але і вучаць іх добрым паводзінам, сяброўству, цярпімасьці і справядлівасьці - усяму таму, што будзе важным у іхным жыцьці...

Прыгоды ката Філімона

Мультсэрыял для дзяцей пра прыгоды сымпатычнага ката Філімона, які пазнае сьвет.

Пінгвінік Пік-Пок

Галоўны герой – маленькі пінгвін, які стаміўся сядзець на снежнай выспе і пастанаўляе спазнаць свет. Калі на ягоны востраў прылятае самалёт, Пік-Пок хаваецца між скрынямі і ляціць у Еўропу, дзе знаёміцца з пілотам і ягонаю дачкою Касяй. Наперадзе пінгвініка чакаюць галавакружныя прыгоды і захапляльныя падарожжы...

Чатыры бакі казак

Кожны мультфільм -- гэта анімаваная версія казкі адной з шасці культураў: афрыканскай (народу сэрэр), грузінскай, цыганскай, украінскай, ўетнамскай і габрэйскай.

Рыцар Пятрусь гербу "Тры Яблыкі"

Маленькі рыцар Пятрусь гербу «Тры Яблыкі» і ягоныя сябры – падкухцік Пончык і клоўн Званочак – падарожнічаюць па свеце. Яны шукаюць прыгодаў і чыняць добрыя справы.

Мядзьведзікі

Аднойчы раньняй вясною добры фатограф знайшоў на лясной паляне трох маленькіх мядзьведзікаў. Іхную маці спалохалі лесарубы, і медзьведзяняты засталіся зусім адны. Цяпер яны будуць жыць у ляснічоўцы, а фатограф стане для іх другой маці. Маляняты шмат падарожнічаюць і хутка спазнаюць навакольны сьвет дзікай прыроды. Але выхаваньне мядзьведзікаў - няпростая справа, таму нашых герояў чакаюць незабыўныя, вясёлыя і займальныя прыгоды.

Мадла і Туп

Галоўныя героі серыялу – баварскі ганчак Мадла, рысяня Туп і вартаўнік Шумаўскага нацыянальнага парку Алеш. Падчас адной з паездак маладыя звяры ўцякаюць з машыны і некалькі месяцаў праводзяць у Шумаўскім лесе адныя. Яны блукаюць вакол рэк, азёраў, скалаў, сустракаюць розных звяроў, шукаюць ежу і пераадольваюць розныя цяжкасці. Урэшце Алешу ўдаецца знайсці сяброў і вярнуць іх дадому.

Букаландыя

Букаландыя -- гэта горад-краіна, размешчаная... на дрэве. Па тоўстых галінах бягуць вуліцы, абапал якіх -- дамкі, гнёзды і дуплы мясцовых жыхароў. Тота, Вядзёрак, Элізар, Ківак і Зэмбуля занятыя сваймі будзённымі клопатамі. Але ж аднойчы каля незвычайнага дрэва з'яўляецца чужынец. Вялікі і няўклюдны, ён вельмі адрозніваецца ад жыхароў Букаландыі. Спачатку яны ставяцца да яго стрымана, нават з недаверам, але неўзабаве даведваюцца, што чужынец, Бульбэр, шукае сяброў.

Падарожжы Цюхці, поўныя прыгодаў

Падарожжы Цюхці, які паходзіць зь іншай плянэты, і яго сяброўкі жабкі Монікі. Сябры пабываюць у розных кутках сьвету і перажывуць шмат цікавых прыгодаў.

Мядзьведзік Фантазік

Прыгоды блакітнага Мядзьведзіка Фантазіка і вясёлай кампаніі ягоных сяброў: чараўніка Праспэра, дзяўчынкі Загадкі, жабкі Капы-Капы, жучка Веселуна і Юлькі. Дзіцячы мультсэрыял заснаваны на раманах Эвы Карван-Ястжэмбскай «Мядзьведзік Фантазік у Краіне Вечнага Сонца» і «Мядзьведзік Фантазік пазнае таямніцу Крышталю».

Экспедыцыя прафесара Губкі

Анімаваная вэрсія аповесьці Станіслава Пагачэўскага (Stanisław Pagaczewski) «Місія прафэсара Губкі» («Misja profesora Gąbki»), працяг мультсэрыялу «Выкраданьне прафэсара Губкі» («Porwanie profesora Gąbki»). Галоўны герой -- вядомы біёляг, які зьбірае зьвесткі для сваіх навуковых працаў.

Маўрыцы і Гаўранэк

Мультыплікацыйны сэрыял паводле кніжкі Зьбігнева Жакевіча «Двое адважных з Плімпляньскага лесу». «Двое адважных» - гэта Маўрыцы і Гаўранэк, сымпатычныя вісусы, лясныя жыхары. Яны часта жартуюць і робяць розныя фокусы лясным зьвярам. Іх выбрыкі падрабязна запісвае лясны летапісец, майстар пяра і чарніліцы - Урбанэк. less

Мікі Моль і Страшны Плашч

У краіне Філабіблоніі, у бібліятэцы чароўных казак, жывуць тры кніжныя молі -- Мікі Моль, Светлік і Мурашыны леў. Нядаўна з імі адбылася незвычайная гісторыя, якая пачалася з таго, што Мікі Моля запрасілі ў суседнюю краіну Каламбургію на спаборніцтва па смехатрыванні. У гэты час знішчальнікі кніг -- Клапотус і Архіцап -- прыбываюць у Філабіблонію. Яны задумалі выкурыць з бібліятэкі кніжных моляў. Раптам з Каламбургіі прыходзіць трывожная вестка: там пры дапамозе газу, які прымушае ўсіх смуткаваць і плакаць, уладу захапіў магістр Грыллётальпа Грыллётальпус.

Пацукі

Далёка на Маравіі, пасярод Валаскага каралеўства, на невялікім сьметніку каля Візавіц жылі два пацукі - Годан і Губэрт. А зь імі - гіпсавы карузьлік Людзьвіг і Эдзік, досьледны пацук з Прагі...

Таямніца шыфру Марабута

Серыял распавядае пра прыгоды двух дэтэктываў - Каэтана Хрумпса і Ката Макавітага, якія пераследуюць небяспечнага злачынцу - хамелеона Супэр.